Япония соҳилларида кучли қор ёғди, деб ёзади «Коммерсантъ». Маҳаллий NHK телеканали маълумотларига кўра, офат оқибатида 8 киши ҳалок бўлиб, 270 дан ортиқ киши жабрланган.
Кучли қор туфайли йўлларда тирбандликлар юзага келди, 500 дан зиёд авиарейслар бекор қилинди. Табиий офат оқибатларини бартараф қилишга мамлакат Ўз-ўзини мудофаа қилиш кучлари отрядлари жалб қилинди. Ниигата, Тояма, Исикава, Фукуи ва Гифу префектуралари энг кўп жабр кўрди. Ушбу ҳудудлар аҳолисига уйда қолиш тавсия этилмоқда. Синоптиклар ҳисоб-китобларига кўра, қор ёғиши иккинчи кун ҳам тўлиқ давом этади.
Изоҳ (0)