Ispaniyada kuchli yomg‘ir va qor bilan birga kechayotgan “Filomena” bo‘roni oqibatida to‘rt kishi halok bo‘ldi, deya xabar bermoqda Reuters. El Pais gazetasining yozishicha, hozir Ispaniyada so‘nggi 50 yildagi eng kuchli qor bo‘roni kuzatilmoqda — qor mamlakatning asosan markaziy qismida yoqqan, sohilbo‘yi hududlarida jala quymoqda.

O‘nta provinsiyada, jumladan, poytaxt Madridda xavfning qizil darajasi e’lon qilingan: yo‘llar yopilgan, jamoat transporti to‘xtagan, madaniy va sport tadbirlari bekor qilingan. Davlat meteorologiya agentligi vakili Julian Morsiloning so‘zlariga ko‘ra, kelasi hafta havo harorati -10 darajagacha pasayib, xavfli muzlamalar yuzaga kelishi mumkin.

Madrid atrofida qor bo‘roni sabab mashinasida qolib ketgan 1,5 mingga yaqin odam qutqaruvchilar tomonidan qutqarilgan, odatda mashinalar bilan to‘lib toshgan Gran-Via ko‘chasi esa “chang‘ichilar ko‘chasi”ga aylangan. “Biz avvallari hech qachon bunday voqeani ko‘rmagandik”, — deydi 30 yoshli Markos Reuters’ga bergan intervyusida.

Harbiylar Madrid shahar meriyasi oldidan o‘tib bormoqda, 2021-yil 10-yanvar.

Foto: Reuters

Madridning Sibeles favvorasidagi qorga burkangan haykal, 2021-yil 10-yanvar.

Foto: Reuters

Ishchilar Madrid meriyasi yaqinidagi metro bekatiga kirish joyini qordan tozalamoqda, 2021-yil 10-yanvar.

Foto: Reuters

Qor bosgan ko‘chalarda sayr qilayotgan madridliklar, 2021-yil 10-yanvar.

Foto: Reuters

Madridlik tadbirkor o‘z do‘koniga kirish joyini qordan tozalamoqda, 2021-yil 10-yanvar.

Foto: Reuters

Madridliklar qor bosgan ko‘chada sayr qilib, chang‘i uchmoqda, 2021-yil 9-yanvar.

Foto: Reuters

Madridliklar shahardagi shoh ko‘chalardan birida qor o‘ynamoqda, tabloda esa: “Piyodalar, yo‘lni bo‘shating”, degan yozuv, 2021-yil 9-yanvar.

Foto: Reuters

Qor bosgan Madridning Bella Artes madaniyat markazi tomidan olingan manzarasi, 2021-yil 9-yanvar.

Foto: Reuters

Qorda sayr qilayotgan madridliklar, 2021-yil 9-yanvar.

Foto: Reuters

Madridliklar shahar meriyasi va Sibeles favvorasi oldida sayr qilmoqda, Bella Artes madaniyat markazi tomidan olingan surat, 2021-yil 9-yanvar.

Foto: Reuters

Madriddagi M30 halqa yo‘lida qorda qolib ketgan mashinalar.

Foto: AFP

Foto: Reuters

Shahar ko‘chalarida chang‘i uchishga shaylangan madridlik.

Foto: Bloomberg

Madrid merining ta’kidlashicha, shaharga “so‘nggi 80 yildagi eng yomon bo‘ron” yopirilgan.

Foto: Reuters

Madrid aeroporti xizmat ko‘rsatishni vaqtincha to‘xtatgan, yuzlab yo‘lovchilar terminallarda ob-havoning yaxshilanishini kutmoqda.

Foto: Reuters

Kastiliya-La-Mancha provinsiyasi markazi Toledoda shahar ma’muriyati ko‘chalarni qordan tozalashda armiyadan yordam so‘ragan va qishki g‘ildiragi yo‘q har qanday transport vositalarining harakatlanishini taqiqlagan.

Foto: AFP

Madridning Plasa-Mayor maydonidagi qor ostida qolgan stol-stullar.

Foto: Reuters

Qor bosgan Madrid, 2021-yil 9-yanvar.

Foto: Shutterstock