Австриянинг Меҳнат, оила ва ёшлар вазирлиги раҳбари Кристина Ашбаҳер диплом ва диссертация ишини ёзишда плагиатга йўл қўйгани айблови фонида истеъфога чиқди, деб хабар бермоқда Австриянинг ORF нашрига таяниб Meduza.
Вазирга қарши айбловларни Вена Технология университети профессори ва илмий ишларда плагиатни излаш бўйича мутахассис Стефан Вебер илгари сурган. Хусусан, у Ашбахернинг диплом ишини «илмий фалокат» деб атади.
Ашбахер бу айбловларни рад этган. Вазир ўз истеъфосини матбуот ва сиёсий сафдошлари «хурофотлари» билан изоҳлаган, шунингдек, оиласини душманликдан ҳимоя қилиш истагини сабаб қилиб кўрсатган.
«Мен ва оилам ОАВ ва сиёсий мухолифат адолатли текширув ўтказишга бермасдан, шошма-шошарлик билан ақл бовар қилмайдиган даражада айблаётганини кўряпмиз. Шу сабабли мен ўз лавозимимдан истеъфога чиқаман», — деб таъкидлаган Ашбахер.
37 ёшли Ашбахер 2006 йилда Винер-Нойштадтдаги амалий фанлар университетида ва 2020 йилда Словакиянинг Братислава техника университетида диплом ишини ёзган. Винер-Нойшадт университети Ашбахерга қўйилган айбловларни текшириб кўриш истагини билдирди.
Ашбахер Меҳнат, оила ва ёшлар вазири лавозимини 2020 йил январь ойида эгаллаган. Унинг ўрнига ким тайинланиши ҳозирча эълон қилинмаган.
Изоҳ (0)