Қозоғистоннинг ҳукмрон партияси «Нур Отан» парламент сайловларида овозларнинг 72 фоизини қўлга киритди. Бу каби маълумотлар экзит-пол жараёнида олинган, деб хабар беради Meduza.
Шунингдек, 10,2 фоиз овоз билан «Оқ йўл» демократлар партияси ҳамда Қозоғистон Халқ партияси (9 фоиз) ҳам парламентдан жой олади. Қолган партиялар эса етти фоизли тўсиқдан ҳам ўта олмаган.
Қозоғистон Марказий сайлов комиссияси сайловларнинг якуний натижасини 17 январга қадар эълон қилади. Мамлакатнинг биринчи президенти Нурсултон Назарбоев, «Нур Отан» партияси етакчиси сайловлардаги ғалаба билан партияни табриклаган.
Эслатиб ўтамиз, Қозоғистонда бундан олдинги парламент сайловлари 2016 йилдан ўтказилган. Ўшанда «Нур Отан» партияси 82 фоиз овоз тўплаган эди. 2012 йилда эса ушбу кўрсаткич 81 фоизни ташкил этганди.
Изоҳ (0)