SAIC компанияси 5G V2X терминали ва 5G алоқа тармоғи телекоммуникацияси қурилмаларига эга бўлган биринчи «ақлли» электромобиллар брендига айланди. Компанияга иккиталик сертификат Хитой Саноат ва ахборот технологиялари вазирлиги томонидан берилган, деб ёзади IXBT.
Бунга қадар SAIC вакиллари Roewe Marvel R электройўлтанламаси 5G телекоммуникация терминали қурилмаларидан фойдаланиш учун лицензия олиш йўлида зарурий сертификатлашлардан ўтаётганини маълум қилганди.
Айни вақтда Roewe Marvel R 5G V2X функциясини қўллаб-қувватловчи ягона автомобилга айланган. Гап автомобилларда фаол хавфсизликни таъминлашда фойдаланиладиган радиотехнологиялар ҳақида кетмоқда. Машина атрофида интернетга улана оладиган барча «ақлли» қурилмалар билан алоқа ўрната олади. Бу каби технология келажакда ҳайдовчисиз бошқариладиган транспорт воситаларида тўлиқ фойдаланишга ўтилиши керак. V2X технологияси ёрдамида «ақлли» автомобиллар ҳайдовчига кўзи илғамаган жойларда ҳам содир бўлаётган нарсалар ҳақида маълумот беради. Ушбу технология нафақат ЙТҲлардан қочишга, балки шаҳардаги автомобиллар трафигини барқарорлаштириш ва ёқилғини тежаш учун турли маълумотларни юбориш ҳамда олишга хизмат қилади.
Roewe Marvel R электройўлтанламаси асосини бир кристалли Mobileye EyeQ4H тизими ташкил этадиган Huawei Balong 5000 5G модеми билан жиҳозланган.
Автомобиль 2020 йилда тақдим этилган бўлиб, уни 34 минг доллар эвазига олдиндан буюртма қилиш мумкин. Машина учта электродвигатель билан жиҳозланган бўлиб, унинг ёрдамида автомобиль соатига 100 километр тезликка 4,8 сонияда эришади.
Изоҳ (0)