Тошкент шаҳри Чилонзор туманида Nexia автомобили ёниб кетди, дея хабар қилмоқда ЙҲХББ.
Маълум қилинишича, 2021 йилнинг 6 январь куни соат 14:10 ларда Тошкент шаҳар Чилонзор тумани Бешёғоч ва Фурқат кўчалари кесишган чорраҳада ҳайдовчи, 1983 йилда туғилган О.Н. бошқарувидаги Nexia русумли автомобилнинг сигнализация мосламасида қисқа туташув юзага келиб, ёнғин содир бўлган.
Ёнғин ўт ўчирувчилар томонидан бартараф этилган. Ҳодиса натижасида тан жароҳати олганлар йўқ. ЙҲХББнинг алоҳида қайд этишича, ёнғиндан автомобилнинг айрим қисмлари зарарланган.
Мазкур ҳодиса юзасидан Чилонзор тумани ИИО ФМБ ЙҲХБ ва ФВБ томонидан суриштирув ишлари олиб борилмоқда.
Аввалроқ Самарқандда пиёз олиб кетаётган «Буханка», Чилонзорда дарахтга урилган Damas ҳамда Янгийўлда бир-бирига урилган Cobalt ва Damas ёниб кетгани ҳақида хабар берилганди.
Изоҳ (0)