2020 йил охирида Американинг Ram Trucks компанияси янги Ram TRX 2021 серияли пикапини ишлаб чиқаришни бошлади. Биринчи партия ҳозирда конвейeрдан чиқиб бўлган. CARakoom’нинг ёзишича, пикаплардан бири конвейeрдан чиқишга улгурмай, пачақланган.
Маълум бўлишича, кўнгилсиз ҳодиса автомобилни конвейердан олиш вақтида содир бўлган. Қандайдир сабабга кўра, пикап ён томонга оғиб кетиб, қулаб тушган. Интернетда тарқалган суратда машинага у қадар жиддий шикаст етмаганини кўриш мумкин — фақатгина чап ёни ва ўнг қаноти пачақланган.
Бироқ ижтимоий тармоқлар фойдаланувчиларини компания матбуот хизмати ҳамон ушбу вазиятга изоҳ бермагани сергаклантирган. Шу сабабли шикастланган автомобилнинг тақдири қандай кечиши номаълум — утилизациями ёки таъмирлаб сотувга чиқариш. Ишлаб чиқарувчи иккинчи вариантни танлаш эҳтимоли юқори. Чунки ҳар бир ТRХ нархи 70 минг доллардан бошланади.
Эслатиб ўтамиз, Ram Trucks ўтган йилнинг августида тақдим этилганди. У Ford Raptor’га рақобатчи ҳисобланади. Машинага 702 от кучи ва 880 Нм айланувчи моментни тақдим этишга қодир 6,2 литрли В8 Dodge Hellcat двигатели ўрнатилган. «Йиртқич» соатига 100 километр тезликка 4,5 сонияда эришиши мумкин. Максимал тезлиги — 190 км/соат.
Изоҳ (0)