Xiaomi компанияси Мi 10, Мi 10 Pro, Мi 10 Ultra, Мi 10Т ва Мi 10Т Pro каби қатор моделлар ўрин олган Мi 10 линейкасини тўлдириб турувчи Мi 10i 5G смартфонини тақдим этди, деб хабар беради IXBT.
Юқорида номи келтирилган смартфонларнинг барчасига Snapdragon 865 процессори ўрнатилган, Xiaomi Mi 10i эса 5G алоқа тармоғини қўллаб-қувватловчи ўрта даражада бир криссталли Snapdragon 750Г тизими билан жиҳозланган. Смартфоннинг бошқа ўзига хос жиҳатлари — 120 герцли янгиланиш частотасига эга дисплей ва 108 мегапикселли квадрокамера.
Xiaomi Mi 10i 5G моделига FHD+ сифатни қўллаб-қувватловчи 6,67 дюймли IPS экран ўрнатилган. Сенсор қатлами сўрови частотаси 240 герцга тенг. Фронтал камера тешигига эга экран ва қурилманинг орқа панели Gorilla Glass 5 ҳимоя ойнаси билан қопланган. Смартфон оғирлиги 215 граммни ташкил этади, ўлчамлари — 165,4 х 76,8 х 9 миллиметр. Смартфон намликдан IP53 стандарти бўйича ҳимояланган.
Xiaomi Mi 10i 5G 16 мегапикселли селфи-камерага эга бўлган бўлиб, у 1080r ўлчамдаги видеоларни сониясига 30 кадр орқали, шунингдек, сониясига 120 кадр частотали секинлаштирилган режимда тасвирга олишга қодир. Асосий камера — 108 мегапикселли Samsung ISOCELL HМ2. Уни 8 мегапикселли кенг бурчакли модуль ҳамда макро суратга олиш ва саҳна чуқурлигини ўлчовчи 2 мегапикселли иккита модуль тўлдириб туради.
Смартфон 8 гигабайтли LPPDR4х тезкор хотира ва ҳажми 128 гигабайтга етадиган UFS 2.2 флеш-хотирага эга. Иккита СИМ-карта ва microSD учун умумий слот ҳам мавжуд. Xiaomi Mi 10i 5G’нинг орқа панелида ҳароратни ўлчовчи 11 та датчик мавжуд бўлиб, у қурилмани совутиш тизимини ишга туширишга хизмат қилади.
Смартфон Android 10 ва MIUI 12 операцион тизимларида ишлайди, аккумулятор сиғими 4820 мА/соатга тенг бўлиб, у 33 ваттли тезкор қувватланиш функциясига эга.
Нархлар:
- 6/64 ГБ – 287 доллар;
- 6/128 ГБ - 300 доллар;
- 8/128 ГБ - 328 доллар.
Изоҳ (0)