Хитойнинг Xiaomi компанияси янги Mi 11 смартфонини расман тақдим этгани тўғрисида хабар берилганди. Интернетда фойдаланувчиларнинг флагман қўшимча функцияларига оид илк фикрлари пайдо бўла бошлади. Тунда ишлаш режими ҳам шунга боғлиқ, деб ёзади Hi-Tech.Mail.ru.
Тунги суратга олишни интеллектуал қайта ишлаш функцияси ёрдамида амалга оширадиган смартфонлар буни узоқ вақт орасида ёруғликни тутиш ва кўплаб кадрларни бирлаштириш ҳисобига амалга оширади. Шу орқали тасвир яхшиланади. Бу турли компаниялар фаол фойдаланиб келаётган синалган усул ҳисобланади, бироқ кам ёритилган жойда видео сифатини яхшилаш учун бошқача ёндашув керак бўлади.
Видео учун одатда сониясига 24 тадан 30 тагача кадр керак бўлиши сабаб «ушланган» ҳар бир кадр яхшиланиши лозим. Ҳар бир қайта ишланган кадр эса бир онда содир бўлиши керак.
Xiaomi ушбу муаммони ҳал этиш учун сунъий интеллект базасида тасвирларни яхшилаш бўйича дастурлар ишлаб чиқувчи BlinkAl компанияси билан ҳамкорликни йўлга қўйган. Компания Mi 11’га BlinkAl алгоритмини ўрнатган бўлиб, бу «кам ёритилган шароитда ҳам видео тасвирга олишни сезиларли даражада яхшилайди». BlinkAl тизими тунда суратга олинган кадрларни алгоритм ёрдамида қайта ишлайди.
Қуйидаги видеоларда «ақлли» режим ва усиз олинган ҳолат орасидаги фарқ тасвирланган. Таъкидланишича, BlinkAl кадрлар сифатини миллисониялар ичида яхшилайди.
Аввалроқ Xiaomi Mi 11 қутисидан қувватлантиргич ўрин олмаслиги расман маълум қилинган эди.
Изоҳ (0)