Samsung 14 январь куни ўтказиладиган тақдимотга расмий таклифномалар йўллашни бошлади — айнан шу кунда компания ўзининг янги моделини тақдим этади, деб ёзади Hi-Tech.Mail.ru.
2021 йилда Samsung февраль ойидаги анъанавий тақдимотидан воз кечди. Бунга жорий йилги MWC кўргазмаси коронавирус сабаб ёзга кўчирилгани сабаб бўлган.
14 январь куни Samsung ўзининг янги флагманлари линейкасини намойиш этади. Худди ўтган йилгидек бир вақтнинг ўзида учта модель — Galaxy S21, S21+ ва S21 Ultra тақдим этилади. Барча смартфонлар ҳақида етарлича маълумотлар мавжуд: техник тавсифи, нархи ва ҳатто «жонли» суратлари маълум.
Миш-мишларга кўра, Ultra версия алоҳида аксессуар сифатида стилусга эга бўлади. Шу орқали компания асосий ўзига хослиги S Pen стилуси бўлган Galaxy Note линейкасидан секин-аста воз кечиши мумкин.
Муҳокамаларга сабаб бўладиган яна бир жиҳати — смартфонлар жамланмасида наушник ва қувватлантиргич бўлмайди. Агарда миш-мишлар тўғри бўлса, Samsung Apple’дан кейин ушбу ишни амалга оширган иккинчи компанияга айланади. Биринчиси — Xiaomi. Кузда иккала компания ҳам Apple’нинг бу каби қарори устидан кулган эди.
Янги Galaxy S21 ўтган йилги Galaxy S20’дан 50 долларга арзон бўлиши кутилмоқда.
Изоҳ (0)