Samsung компанияси фронтал камералар учун мўлжалланган ноодатий технологияни патентлади, деб хабар беради Hi-Tech.Mail.ru.
Бир неча ишлаб чиқарувчилар, жумладан, Oppo ва Xiaomi фронтал камераси экран остига жойлашган смартфон прототипларини тақдим этганди. Яқинда ZTE Axon 20 5G — селфи-камераси экран остида жойлашган дунёдаги илк смартфонни ишлаб чиқарди. Унда махсус плёнка ва қопламадан фойдаланилган бўлиб, экрандаги шаффофлик максимал даражада таъминланган. Бироқ тасвир сифати у қадар яхши эмас.
Samsung компанияси ҳам экран остида камерани жойлаштириш борасидаги мураккаб технология устида иш олиб бораётгани сир эмас, бироқ компания унга қадар вақтинча ечимларни тақдим этиши мумкин. Масалан, худди янги патентда тасвирланганидек:
Тасвирлардан кўриш мумкинки, селфи-камера тўлиқ «яшириниш» хусусиятига эга — фаоллаштирилганида яна пайдо бўлади. Бироқ қолган барча вақтда уни иккинчи дисплей ёпиб туради. Мазкур қўшимча дисплейда соат ва батарея қуввати ҳақидаги маълумотлар тасвирланиши мумкин. Шунингдек, уни сенсор датчик билан ҳам жиҳозласа бўлади, бу фойдаланувчига бармоқ билан (ёки стилус) зарурат туғилганида фронтал камерани ёқиш имконини беради.
Бундан ташқари, шаффоф соҳа чапдан ўнгга силжиб, фақатгина камера модулини кўзга ташланадиган ҳолда қолдириши мумкин. Бу смартфонни кўз гавҳари ёрдамида идентификация қилиш блокдан чиқарувчилар учун муҳим. Ушбу ҳолатда асосий камера ва чақмоқ керак бўлмайди, шу сабабли улар кўринмайди. Фойдаланувчи фақат биометрик аутентификация вазифасини бажарувчи камерани кўради, холос.
Ҳозирча эълон қилинган тасвирлар ва унинг изоҳи — ғоя ҳисобланади, унинг ҳақиқатга айланиши узоқ вақт талаб қилиши мумкин. Барчаси Samsung’нинг келажакдаги ҳаракатларига боғлиқ.
Изоҳ (0)