Xiaomi компанияси Bluetooth ёрдамида исталган смартфон ёки планшетга улана оладиган ноодатий гаджетни тақдим этди, деб хабар беради Hi-Tech.Mail.ru.
Аксессуар геймпаддаги триггер-тугма вазифасини бажаради. Одатда у кўрсатгич бармоқ остида жойлашади ва отиш учун жавоб беради. Аксессуарни Black Shark компанияси яратган — бу асосан смартфонлар учун геймпадлар тақдим этиш билан шуғулланадиган Xiaomi бўлинмаси ҳисобланади.
Ишлаб чиқарувчининг сўзларига кўра, янги аксессуар қўшимча функцияга эга қиммат смартфонни сотиб олишни истамаган, бироқ мавжуд қурилмани модернизация қилишга қарши бўлмаганлар учун мўлжалланган. Афтидан, у Bluetooth’ни қўллаб-қувватлайдиган мавжуд ҳар қандай смартфонга мос келади.
Триггерлар смартфонга худди клипслар каби қотирилади. Уларни корпуснинг исталган жойига қотириш мумкин бўлиб, қурилманинг устки қисми альбом ҳолатида идеал мос келади. Ҳар бир аксессуар иккита бошқарув тугмасига эга. Бирданига бир нечта харид қилиб, кичик контроллер ёрдамида қотириб қўйиш мумкин.
Ҳар бир аксессуар нархи 6 долларни ташкил этади.
Black Shark’нинг аксессуарлари орасида 9 долларли янги кабеллар ва иккита портга эга қувватлантириш қурилмасини ҳам учратиш мумкин — гап USB Type-C ва USB Type-А разёмлари ҳақида кетмоқда. Уларнинг максимал қуввати 30 ваттга етади, нархи 12 доллар.
Изоҳ (0)