Англиянинг The Guardian нашри «Манчестер Юнайтед» ҳужумчиси Маркус Рэшфордни 2020 йилнинг энг яхши футболчиси номига лойиқ деб топди.
Бу соврин йил давомида ўзига хос натижа қайд этган ёки намунали иш қилган ўйинчиларга топширилади.
Рэшфорд 2020 йил давомида кам таъминланган мактаб ўқувчиларга ёрдам бериш борасида бир нечта кампанияни ташкил қилди. Айниқса унинг ҳукуматни кам таъминланган мактаб болаларини бепул тушлик билан таъминлашга ундаши кўплаб мақтовларга сазовор бўлди.
«Карантин сабаб мактаблар ёпилгач, ўзимнинг ёшлигимни тасаввур қилдим ва шунга ўхшаш болалардан хавотир ола бошладим. Текин тушликсиз бизда жуда кам овқат бўларди. Агар шундай ҳолга тушиб қолганимизда нима қилардик?
Бу қўрқув қандай бўлишини биламан. Менинг онам бундан қандай қўрққанини биламан. Бу қўрқувни болалар ва уларнинг ота-оналари ҳис қилишини хоҳламадим», — дейди Рэшфорд.
Рэшфорд АПЛ 2019/20 йилги мавсумида 31 ўйин ўтказиб 17 гол ва 8 та голли узатма амалга оширганди. Жорий мавсум футболчи 16 учрашувда 7 гол ва 4 та ассист муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)