Футбол бўйича Англия Премьер Лигасининг 17-турида «Ливерпуль» 4 январь, душанба куни «Саутҳэмптон» меҳмони бўлди.
Учрашувнинг 2-дақиқасидаёқ Дэнни Ингз собиқ жамоаси дарвозасини чиройли тарзда ишғол этиб, мезбонларни олдинга олиб чиқди. Шундан кейин «қизиллар» бир қатор қулай имкониятларга эга бўлди, бироқ ҳисоб ўйин якунига қадар ўзгармади.
Шу тариқа «Ливерпуль» 33 очко билан пешқадамликни сақлаб қолди ва битта захира ўйинига эга «Манчестер Юнайтед» билан бир хил очко жамғарган. «Авлиёлар» эса 29 очко билан 6-поғонага кўтарилди.
17-турдан кейин мусобақа жадвали қуйидаги кўринишни олди:
АПЛ
17-тур баҳси
4 январь, душанба
«Саутҳэмптон» — «Ливерпуль» 1:0
Гол: 1:0 – 2 Ингз.«Саутҳэмптон»: Форстер, Уокер-Питерс, Стивенс, Бертран, Беднарек, Армстронг, Женепо (Телла, 32), Уорд-Проуз, Диалло, Уолкотт (Валери, 82), Ингз (Нлундулу, 77).
«Ливерпуль»: Алиссон, Ҳендерсон, Робертсон, Фабиньо, Александер-Арнольд (Милнер, 77), Окслейд-Чемберлен (Шакири, 57), Тиаго Алькантара, Салоҳ, Вейналдум, Мане, Фирмино.
Огоҳлантиришлар: Тиаго Алькантара (3), Робертсон (15), Шакири (79), Бертран (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)