АҚШда 4 миллиондан ортиқ кишига коронавирусга қарши вакцинанинг биринчи дозаси қилинди. Бу ҳақда Касалликларни назорат қилиш ва олдини олиш марказига (CDC) таяниб, «РБК» хабар бермоқда.
Маълум қилинишича, 2 январь ҳолатига кўра 4 миллион 225 минг нафар америкалик Moderna ва Pfizer/BioNTech компаниясининг икки компонентли вакцинасининг биринчи инъекциясини олган. Умумий ҳисобда, тиббиёт муассасалари ва эмлаш марказларига 13 миллиондан ортиқ дозадаги вакциналар тарқатилган.
Кўпроқ аҳоли зич жойлашган штатлар: Калифорния (412 минг), Техас (337 минг), Флорида (246 минг) ва Нью-Йорк (236 минг) аҳолиси эмланган. Ваёминг (7,5 минг) ва Колумбия округида камроқ (15 минг) киши эмланган.
АҚШда вакцинация декабрь ойининг ўрталарида, Pfizer / BioNTech биргаликда ишлаб чиқарган препарат давлат рўйхатидан ўтказилгандан сўнг бошланди.
Касалликлар назорати ва профилактикаси марказлари (CDC) маълумотларига кўра, 2020 йил охиригача Америка ҳукумати 40 миллион кишини эмлашни режалаштирмоқда.
1 январь куни The New York Times газетаси мамлакатдаги вакцинация кампанияси белгиланган муддатдан анча орқада қолгани ҳақида хабар берган. Бунга асосий сабаб сифатида логистика билан боғлиқ муаммолар, тиббиёт ва соғлиқни сақлаш ходимларининг вакциналарни тарқатишга улгурмаётгани ва эмлаш кампанияси байрам ва таътил даврига тўғри келиб қолгани кўрсатилган.
Изоҳ (0)