Ҳиндистонда AstraZeneca компанияси ва Оксфорд университети томонидан яратилган коронавирусга қарши вакцинадан фойдаланишга рухсат берилди, деб ёзади «Korrespondent.net».
«AstraZeneca ва Bharat Biotech вакциналари бугун маъқулланади», — дея маълум қилади The Guardian манбаларидан бири.
Нашрнинг бошқа бир манбаси Ҳиндистон тиббиёт дори воситалари стандартини назорат қилиш ташкилоти маҳаллий Bharat Biotech вакцинасини ҳам маъқуллашини тасдиқлаган.
Аввалроқ Буюк Британия ҳукумати Британия—Швеция компанияси AstraZeneca ва Оксфорд университети томонидан биргаликда ишлаб чиқарилган вакцинадан фойдаланишни маъқуллаган эди. Буюк Британия AstraZeneca вакцинасини рўйхатдан ўтказган дунёдаги биринчи давлат бўлди. Британия ҳукумати AstraZeneca вакцинасини лицензиялаш учун асос бўлган тадқиқот натижаларини эълон қилмади. Бу уни Pfizer/BioNTech ва АҚШда тасдиқланган Moderna вакцинасидан ажратиб туради.
Эслатиб ўтамиз ноябрь бошларида Ҳиндистонда коронавирусга қарши Covaxin вакцинаси синовининг учинчи – якуний босқичи бошланган эди. Препарат Bharat Biotech компанияси томонидан Ҳиндистон тиббий тадқиқотлар кенгаши (ICMR) билан ҳамкорликда ишлаб чиқилган.
Изоҳ (0)