Саудия Арабистони коронавируснинг янги штамми тарқалгани сабабли жорий этилган мамлакатга кириш тақиқини 3 январь куни бекор қилди. Бу ҳақда мамлакат ТИВ вакилларига таяниб, Saudi Press Agency хабар берди, деб ёзмоқда «РБК».
Тақиқ маҳаллий вақт билан соат 11:00 да бекор қилинади. Саудия Арабистони фуқароси бўлмаган шахслар коронавируснинг «британча» штамми бўлмаган исталган мамлакатда камида 2 ҳафта бўлган тақдирда киришлари мумкин. Шунингдек, улар COVID-19’га ПЗР-тест топшириши лозим.
Вируснинг янги тури тарқалган мамлакатда бўлган фуқаролар эса 3 кун 14 кунгача карантин ўташлари керак. Улар ПЗР-тестини икки марта — биринчисини мамлакатга кираётганда, иккинчисини — карантиндан чиққандан кейин топширишлари лозим.
Эслатиб ўтамиз, Буюк Британияда коронавируснинг янги тури аниқлангани, шу туфайли мамлакатнинг айрим ҳудудларида касаллик тарқалиш суръати тезлашгани ҳақида 14 декабрь куни маҳаллий Соғлиқни сақлаш вазирлиги раҳбари Мэтт Хэнкок маълум қилганди. Шу сабабли Саудия Арабистони 21 декабрдан халқаро парвозларни тўхтатиб, қуруқлик ва денгиз чегараларини вақтинчалик ёпганди.
Изоҳ (0)