29 декабрь куни «Элчининг қизи» сериалининг 34-қисми тақдим этилди. Сюжетда кутилмаган ўзгаришлар юз берган.
Дениз Ишин ижро қилган қаҳрамон Саҳра сценарийга кўра вафот этган. Денизнинг ўзи Instagram саҳифасида Саҳра бўлиш учун борган жойида кўп нарсани ўргангани, ҳаётида кўплаб яхши инсонлар пайдо бўлганини маълум қилиб, жамоага ҳаммаси учун миннатдорчилик билдирган.
Сериалда Менекше ролини ижро қилган актриса Тулин Язкан ҳам лойиҳани тарк этган. Миш-мишларга қараганда, актрисанинг сериалдан кетишига бош роль ижрочиси Энгин Акюрек билан тортишиб қолгани сабаб бўлган. Аввалроқ Энгин ва Тюлин ўртасида муносабатлар бор эканлиги ҳақида хабар топган мухлислар учун ушбу янгилик ҳам кутилмаган бўлди.
Маълум қилинишича, сценарий муаллифларининг алмашгани сабаб воқеалар ривожида катта ўзгаришлар бўлиши кутилмоқда. Сценарий муаллифлари Айше Ферда Эрйилмаз ва Нехир Эрдем ўз ўрнини Эйлем Жанпўлат ва Озан Аксунгуруга бўшатиб берган. Туркиянинг StarTV канали орқали экранга узатилаётган, Неслиҳан Атагул ва Энгин Актюрек бош қаҳрамон ролини ижро қилаётган мазкур сериалнинг 35-қисмини янги сценарий муаллифлари талқинида кўриш мумкин.
Мавзуга доир:
- Энгин Акюрек, Неслиҳан Атагул ва турк сериалларининг бошқа юлдузлари қанча гонорар олади?
- Энгин Акюрек машҳурлик бобида Бред Питтдан ўзиб кетди
- 2020 йилдаги турк сериалларининг энг машҳур жуфтлиги маълум қилинди
- Турк актёри Энгин Акюрек иштирокидаги муваффақиятли сериаллар ва унинг партнёрлари (фото)
- «Элчининг қизи»ни севиб қолган Гедиз — Ураз Кайгилароғлу: Актёрликни танлаган спортчи
Изоҳ (0)