Шоу-бизнес вакилларининг сочларининг ҳажмли, сержило ва ялтироқ эканига қараб кишининг ҳаваси келади. Аммо сочлар бундай ўзига хос бўлиши учун уларнинг ҳаммаси ҳам қимматбаҳо воситалардан фойдаланавермайди. Уларнинг парвариш рецептини сиз-у биз ҳам уй шароитида амалга оширишимиз мумкин.
Женнифер Лопес: авокадодан тайёрланадиган ниқоб
Берган интервьюларидан бирида Жей Ло сочи учун профессионал косметик воситалардан фойдаланиши, аммо табиий парваришни ҳам инкор этмаслигини билдирган. Бунинг учун авокадога тухум сариғини қўшиб, санчқи ёрдамида бўтқа ҳолига келтирилади ва аралашма бутун соч узунлиги бўйлаб суртилади. Шундан кейин оддий шампунь билан ювиб ташланади. Актрисанинг сўзларига қараганда бундай ниқоб сочни ялтираб туриши ва соғлом кўринишига ёрдам беради.
Деми Мур: райҳондан фойдаланади
Сочлари шампунь рекламасидагидек ялтироқ ва қалин кўринадиган Демининг сири сочини ҳаддан ортиқ ювмаслиги (ҳафтада 2 марта етади) ва райҳондан фойдаланишида. Бунинг учун 1 қошиқ қуритилган райҳонга 1 стакан қайноқ сув қўшади. Шампундан кейин ушбу аралашмани ишлатади ва охири ювиб ташламасдан сочиқ ёрдамида қуритади.
Ким Кардашьян: қуруқ шампунь
Ким сочни ортиқча ювавериш уни қуритиб, зарар етказади деб ўйлайди. Шу сабаб ҳам у сочини ҳар куни ювмасдан қуруқ шампундан фойдаланади.
Женнифер Энистон: аспирин
Интервьюлардан бирида Энистон сочлари қалин ва мустаҳкам бўлиши учун шампуни ичига майдаланган аспирин қўшишини маълум қилган.
Пенелопа Крус: қаҳвали ниқоб
Пенелопа сочларини парвариш қилишни бувисидан ўрганган бўлиб, бу борада унга испанча ниқоб ёрдам беради. Бунинг учун 1 қошиқ қаҳвага, манго шарбати, долчин ва бедана тухумини қўшади. Аралашмани сочга суртгандан кейин камида 1 соат туриши керак ва шундан кейин оддий шампунь билан ювиб ташласа бўлади.
Моника Белуччи: магнолия ёғи
Барча италияликлар сингари Моника ҳам сочини зайтун ёғи билан парвариш қилади, аммо бу ҳаммаси эмас. Актриса сочлари сержилолигининг бошқа сири магнолия ёғидан фойдаланишида.
Зои Салдана: майонезли ниқоб
Зоининг айтишича, сочларини мустаҳкамлаш учун майонезли ниқобдан фойдаланишни унга онаси ўргатган. Аммо майонез уйда тайёрланган бўлиши керак. Бунинг учун тухум сариғига 1 ош қошиқ сирка, зайтун ёғи ва хантал қўшиш керак. Бундай ниқобдан кейин бош бироз ачишади ва бу сочни тез ўсишига ёрдам беради.
Скарлетт Йоханссон: арган ёғи
Фойдали хусусиятлари билан яхши маълум бўлган ёғдан актриса сочларини мустаҳкамлаш ва парваришлаш учун фойдаланади. У уйқуга ётишдан аввал ёғни бошига суртади ва сочлари бўйлаб тарқатади. Арган, айниқса, бўялган сочларга яхши ёрдам беради.
Сьюки Уотерхаус: Coca-Cola
Қанчалик ғалати туюлмасин, модель сочларининг сержило бўлиши учун Coca-Cola’дан фойдаланади. У сочларни ҳажмли кўрсатади, ялтиратади.
Кэтрин Зета-Жонс: асал ва пиво
Кэтрин ушбу рецепт учун ҳақиқий пиво ва табиий асалдан фойдаланиш кераклигини таъкидлайди. Аралашмани сочга суртиб, одатдагидек ювиб ташлаш мумкин.
Изоҳ (0)