O‘zbek muxlislari qalbidan joy olgan, mahoratli ijrosi, iste’dodi va tashqi ko‘rinishi bilan sevimliga aylangan aktyor va aktrisalar qancha daromad topishi haqida ma’lumot berib o‘tamiz.

Engin Akyurek

Foto: “Yandeks Dzen”

“Pul va gul ishqi” serialida suratga tushgan Engin o‘zbek muxlislariga “Elchining qizi” seriali orqali yaxshi tanish. Ushbu filmda Sanjar rolini gavdalantirish uchun Akyurek 1 170 000 lira (taxminan, 1 540 004 dollar) miqdorida gonorar olgan. Birgina qism uchun 90 000 lira (taxminan, 12 ming dollar) olgan.

Neslihan Atagul

Foto: “Yandeks Dzen”

“Sevgi iztirobi” serialidagi roli bilan yaxshi tanish bo‘lgan Neslihan “Elchining qizi”da Engin bilan birga suratga tushgan. U bir qismdagi ishtiroki uchun 65 ming lira (8500 dollar) miqdorida gonorar oladi. 27 yoshli aktrisaning aytishicha, seriallardagi ishtiroki unga kelajak uchun moliyaviy poydevor qo‘yishga yordam beradi.

Engin Altan

Foto: “Yandeks Dzen”

“Ertug‘rul: Tirilish” serialidagi ishtirokidan keyin mashhurlikka erishgan Engin telekanallar bilan allaqachon kelasi yil uchun shartnoma imzolagan. Uning bir qismda suratga tushish uchun oladigan gonorari 110 ming lira (14 500 dollar)ni tashkil etadi.

Burchin Terzioglu

Foto: “Yandeks Dzen”

Enginning 2019-yilda suratga olingan “O‘q” serialidagi hamkasbiga serialning bir qismida suratga tushish uchun 70 000 lira (9000 dollar) miqdorida mablag‘ to‘lanadi.

Taner Olmez

Foto: “Yandeks Dzen”

“Kosem” serialidan keyin uzoq vaqt qiziqarli seriallardan taklif kutishiga to‘g‘ri kelgan Taner 2019-yilda “G‘aroyib doktor” serialida bosh qahramon sifatida suratga tushgan. Aktyor savanta sindromi bor, ammo mahoratli jarroh rolini gavdalantirganiga 1 qism uchun 35 ming lira (4500 dollar) gonorar olgan.

Murat Yildirim

Foto: “Yandeks Dzen”

“Osiyo”, “Cheksiz sevgi”, “Sevgi va jazo” filmlaridagi ijrosi bilan yaxshi tanish bo‘lgan aktyor ATV kanalida “Kim millioner bo‘lishni istaydi?” dasturiga boshlovchilik qilib 90 ming lira (12 000 dollar) gonorar olgan. “Ramo” serialida ishtirok etish uchun Murat Show TV kanali bilan hamkorlik qila boshlagan. Ammo uning ushbu serialdan qancha olishi ma’lum emas.

Akin Akinozu

Foto: “Yandeks Dzen”

“Beqaror” serialining bir qismida suratga tushish uchun Akin 45 ming lira (5800 dollar) gonorar oladi. Bu loyihadagi eng ko‘p to‘lanadigan mablag‘.

Ebru Shahin

Foto: “Yandeks Dzen”

Akinning “Beqaror”dagi hamkasbi Ebruga esa bir qismda suratga tushish uchun aktyordan 15 ming kam, ya’ni 30 ming lira (4000 dollar) to‘langan.