Вазирлар Маҳкамасининг «Автотранспорт воситалари ойналарининг тусини ўзгартирганлик учун рухсатнома бериш бўйича давлат хизматини онлайн кўрсатишнинг маъмурий регламентини тасдиқлаш тўғрисида»ги қарори лойиҳаси эълон қилинди.
Қарор билан автотранспорт воситаларининг ойналарининг тусини ўзгартирганлик учун рухсатномани онлайн тарзда бериш бўйича давлат хизматини кўрсатишнинг маъмурий регламенти тасдиқланади. Қарорга кўра:
- 2021 йил 1 апрелдан бошлаб автотранспорт воситаларининг ойналарининг тусини ўзгартирганлик учун рухсатнома бериш бўйича давлат хизматини кўрсатиш фақат онлайн тарзда Ягона интерактив давлат хизматлари портали орқали амалга оширилади;
- «Давлат божи тўғрисида»ги қонунга мувофиқ автотранспорт воситаларининг ойналарининг тусини ўзгартирганлик учун рухсатнома бериш бўйича давлат хизматини олиш учун ЯИДXП орқали мурожаат этганда, давлат божи, йиғимлар ва бошқа тўловлар тўланадиган суммадан 90 фоиз миқдорида тўланади.
- автотранспорт воситаларининг ойналарининг тусини ўзгартирганлик учун рухсатнома бериш бўйича давлат хизматини кўрсатиш жараёнининг тўлиқ автоматлаштирилишини;
- автотранспорт воситаларининг ойналарининг тусини ўзгартирганлик учун рухсатнома бериш бўйича давлат хизмати ЯИДXП орқали кўрсатилишини таъминлаш учун зарур бўлган ахборот тизимларининг ўзаро интеграция қилинишини;
- ушбу қарор билан тасдиқланаётган маъмурий регламент бўйича давлат хизмати ЯИДXП орқали жорий этилишини;
- давлат хизматини кўрсатилганлиги учун тўланган тўловлар Давлат божлари ва йиғимлар суммаси ҳисобини юритувчи Ягона биллинг тизими орқали электрон тарзда амалга оширилишини таъминлайди;
- ЯИДXПда давлат хизматлари кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этади.
Қайд этилишича, рухсатнома бир йилдан кам бўлмаган муддатга берилади. Рухсатнома ариза берувчининг ихтиёрига кўра бир йилдан кўп муддатга ҳам берилиши мумкин.
Аввалроқ Ўзбекистонда юк машиналари ва автобусларнинг ойналарини «тонировка» қилишга рухсат берилгани ҳамда жисмоний шахслар учун автомобилнинг орқа ён ойнасини «тонировка» қилиш нархи арзонлаштирилгани ҳақида хабар берилганди.
Изоҳ (0)