АҚШда аварияга учраган Chevrolet’нинг эгаси машина фараларини қўлбола усулда «янгилаш»га қарор қилган: изолента ва бир жуфт чўнтак фонарлари билан уни таъмирлаган, деб ёзади Motor.
Вашингтон штати полициясининг патруль экипажи тунги соат 02:00 ларда I-90 автомагистрали бўйлаб хира ёритилган фараларга эга шубҳали машинани пайқаб қолган. Шундан сўнг, патруль қора Chevrolet Impala’га етиб олиб, уни тўхтатган ва офицерлар седаннинг олд қисмига жиддий шикаст етганини аниқлаган. Автомобильда фара вазифасини батареякада ишлайдиган оддий фонарлар бажарган бўлиб, улар кузовга изолента ёрдамида қотирилган бўлган. Текширув давомида ҳайдовчининг ҳайдовчилик гувоҳномасини амал қилиш муддати тугагани маълум бўлган.
Америка йўллари бўйлаб ҳаракатланадиган барча автомобиллар АҚШ транспорт воситалари хавфсизлиги Федерал стандартларига жавоб бериши керак. У фараларга боғлиқ бир қатор норма ва қоидаларни ўзида жамлаган. Масалан, ҳужжатда ёруғлик қуриламларининг минимал имконияти белгиланган.
Қоидабузар ҳайдовчига бир нечта жарима белгилангани айтилмоқда.
Аввалроқ АҚШда полиция таъқибидан қочган Tesla ҳайдовчиси бошқарувни йўқотиб, гаражлардан бирига урилгани тўғрисида хабар берилганди.
Изоҳ (0)