«Форсаж 5» фильмини суратга олиш учун автомобилларнинг махсус нусхалари яратилган ва трюкларнинг аксарияти компьютер графикаси ёрдамида амалга оширилган бўлишига қарамай, суратга олиш ишлари Universal Studios киностудияси учун қимматга тушган, деб ёзади CARakoom.
«Форсаж» франшизасининг дастлабки учта фильмига техник консултантлик қилган Крейг Либерман 5-қисмдаги қувиш пойгаси қай тарзда яратилганини сўзлаб берди. Universal кинофраншизанинг бешинчи қисмини суратга олиш учун 125 миллион доллар ажратган ва уларнинг катта қисми поездда ўғирлик содир этиш саҳнаси учун сарфланган. Продюсерлар ўзлари учун махсус темир йўл қурган ва суратга олишда ўз вагонларидан фойдаланган.
Ушбу саҳнада иштирок этган автомобилларнинг деярли барчаси нусха бўлган. Студия ҳақиқий ретро-автомобилларни яксон қилиш орқали пул сарфлаш ёки мухлислар кўнглини синдиришни истамаган. Шу сабабли оригинал моделларнинг жуда аниқ нусхалари яратилган.
Chevrolet Corvette Roadster — 12 дона — мазкур эпизод учун унинг нусхаларини яратган Mongoose Motorsport’sдан харид қилинган. Уларнинг бештасидан каскадёрлик саҳналарида фойдаланилган. Учтаси махсус пневматик пушканинг снарядига айланган. Улар қоядан дарёга, шунингдек, поезд вагонидан ташлаб юборилган. Яна иккитасига Volkswagen Bettle шассиси ўрнатилган ва улар нотекис йўлларда ҳаракатланишга мослаштирилган.
Либерманнинг сўзларига кўра, «Форсаж 5» прокатда сарфланган маблағдан беш баробар кўп — 626 миллион доллар тўплаган.
Аввалроқ «Форсаж» франшизаси 11-фильмдан сўнг якунланиши тўғрисида хабар берилганди.
Изоҳ (0)