АҚШ Олий суди Техас штати прокурори томонидан президентлик сайлови натижаларини тўртта штат — Жоржия, Мичиган, Висконсин ва Пенсильванияда ҳаққоний эмас деб топиш тўғрисидаги даъвосини рад этди, деб хабар беради CNN.
Техас прокурори ўз даъво аризасида ушбу штатлар бюллетенларни қайта ишлаш қоидаларини бузганлигини, бу эса оммавий сохталаштиришга олиб келган бўлиши мумкинлигини таъкидлаган. Мазкур штатларнинг барчасида Жо Байден кичик фарқ билан ғалаба қозонган.
Олий суднинг ҳисоблашича, Техас ўз даъвосида «бош штатларда сайловлар ўтказишнинг юридик асосга эга манфаатларини» келтириб бера олмаган.
Техас даъвосини губернаторлари республикачилар ҳисобланган 17 та штат, шунингдек, амалдаги президент Дональд Трамп томонидан қўллаб-қувватланган.
Мавзуга доир:
Декабрь бошида Трамп сайловлар ҳалол бўлган тақдирдагина мағлубиятини тан олишини билдирганди. «Мен сайловда мағлуб бўлишга қарши эмас, лекин у адолатли бўлишини хоҳлайман. Истамайдиган нарсам шуки, сайловлар Америка халқидан ўғирлаб олинмасин», — деди Трамп. Кейинроқ АҚШнинг амалдаги президенти Дональд Трамп 2024 йилда давлат раҳбари лавозимига ўз номзодини қўйиши мумкинлигини билдирди.
Изоҳ (0)