Россияда ҳайвонлар учун COVID-19’га қарши вакцина 2021 йил январь ойининг охирида тайёр бўлади. «Интерфакс»нинг хабар беришича, бу ҳақда «Росселхознадзор» раҳбари Сергей Данкверт «Ветеринария ва ҳаёт» нашрига маълум қилди.
«Шундан сўнг, рўйхатдан ўтиш учун вақт керак бўлади. ‘Росселхознадзор’ ҳайвонлар учун ушбу иммунобиологик препаратни кўп миқдорда ишлаб чиқаришга тайёр», — деган Данкверт.
Унинг сўзларига кўра, «Росселхознадзор»га Россия даррандачилик тармоқлари ҳайвонлар учун вакцина сўраб мунтазам равишда мурожаат қилади. Чунки қоракўзанлар янги вирусга чалинишга мойилроқ бўлиб, бир
-бирларига ҳам вирус юқтириши мумкин.
Қайд этилишича, Россия даррандачилик хўжаликларида 97,2 мингта қоракўзан, 50,9 мингта сувсар ва 6,9 мингта хоркалар бор.
Бундан ташқари, «Росселхознадзор»га АҚШ, Европа Иттифоқи ва Сингапурдан вакцинани сотиб олиш тўғрисида норасмий сўровлар келиб тушган.
Айни пайтда вакцина учинчи босқичда синовдан ўтказилмоқда. Янги препарат қоракўзан, мушуклар ва кемирувчиларда синовдан ўтказилади.
Аввалроқ Стенфорд университети олимлари гуруҳи чўчқа, каламуш, қушларнинг коронавирусга чалиниш эҳтимоли паст ва уларда вирусга қарши иммунитет мавжудлигини маълум қилгани ҳақида хабар берилган эди.
Мавзуга доир:
- Литвадаги фермада коронавирус тарқалгани сабабли 40 мингта қоракўзан йўқ қилинади
- Даниядаги фермаларда коронавирус билан касалланган барча қоракўзанлар ўлдирилди. Бунинг ортидан Дания қишлоқ хўжалиги вазири истеъфога чиқди
- Ирландия ҳукумати Дания тажрибасидан кейин барча қоракўзанларни йўқ қилишни тавсия этди