Bugun,

  • USD 11095.31
  • RUB 173.84
  • EUR 10772.44

AQShning amaldagi prezidenti Donald Tramp 2024-yilda davlat rahbari lavozimiga o‘z nomzodini qo‘yishi mumkinligini bildirdi. Bu haqda u Respublikachilar partiyasining milliy qo‘mitasi a’zolari qarshisida so‘zlagan nutqida aytib o‘tdi, deb yozadi “RBK”.

Foto: Getty Images

Foto: Getty Images

“O‘tgan to‘rt yil ajoyib edi. Biz yana to‘rt yilni qo‘lga kiritishga harakat qilyapmiz. Agar bu amalga oshmasa, unda siz bilan yana to‘rt yildan keyin ko‘rishamiz”, — dedi Tramp.

AQSh prezidenti Donald Tramp 2024-yilgi prezident saylovlarida o‘z nomzodini ilgari surish imkoniyatini ko‘rib chiqayotganligi va 20-yanvar — yangi prezidentning inauguratsiyasi kuni shu bilan bog‘liq tadbir o‘tkazishi mumkinligi haqida OAVlar avvalroq xabar bergan edi. O‘z navbatida The Washington Post gazetasi Tramp yil oxirigacha kelasi prezident poygasida qatnashish niyatidaligini e’lon qilishi mumkinligi haqida yozgandi. Bu haqda, nashr ma’lumotlari bo‘yicha, prezident o‘zining ishonchli shaxslariga ma’lum qilgan.

AQShda prezident saylovlari 3-noyabr kuni bo‘lib o‘tdi. Dastlabki ma’lumotlarga ko‘ra, Jo Bayden g‘olib bo‘lgan. Uning g‘alabasini 14-dekabr kuni saylovchilar hay’ati uzil-kesil tasdiqlashi kerak.

Donald Tramp o‘z mag‘lubiyatini tan olishdan bosh tortdi. Uning huquqshunoslari qator shtatlarda saylovlar natijalarini qayta ko‘rib chiqish haqida da’volar berdi, ammo ularning Baydenning foydasiga katta ko‘lamda firibgarliklar amalga oshirilgani haqidagi gaplari o‘z tasdig‘ini topmadi.

Keyinroq Donald Tramp ma’muriyati Jo Baydenga hokimiyatni topshirishga tayyorligini bildirgan edi. Shundan keyin Bayden o‘z ma’muriyatining asosiy a’zolarini shaxsan tanishtirdi. Shuningdek, demokrat Jozef Baydenga razvedka tomonidan davlat rahbari uchun tayyorlanadigan kunlik maxfiy hisobotlarni taqdim etishga ruxsat berildi.

Donald Tramp raqibi, Demokratlar partiyasidan nomzod Jo Bayden saylovchilar (saylov hay’ati a’zolari)ning ko‘pchilik ovozini qo‘lga kiritsa, Oq uyni tark etishini ma’lum qildi. Ayni vaqtda Tramp, uning fikricha, saylovlar qalbakilashtirilganini yana bir marta ta’kidladi va saylov hay’ati a’zolarining Baydenga ovoz berishi katta xato bo‘lishini aytdi.

Izoh
Asosiy yangiliklar
Mahalliy
“Tramp tarafdorlariga murojaat qilib, meni qo‘llab-quvvatlang, norozilik bildiring, deya undamoqda” — Navbahor Imomova
Mahalliy
Shavkat Mirziyoyev O‘zbekiston mahalla tizimi xodimlari va faollariga tabrik yo‘lladi
Maslahatlar
Tezroq tashlab yuboring: yuz kremi ​​sizga mos kelmaganini anglatuvchi 5 ta belgi