Google ўзининг қидирув тизимидаги сўровлардан келиб чиқиб, 2020 йилдаги ҳодисалар, трендлар ва бош қаҳрамонларга бағишланган ҳар йилги рейтингни тақдим этди.
Дунёда
Компаниядагиларнинг таъкидлашича, 2020 йилда асосий мавзу «ноаниқлик» бўлган — фойдаланувчилар тез-тез «нимага?» саволи остида сўровларни йўллаган.«Таъкидлаш керакки, бу энг машҳур сўровлар ва энг машҳур мавзулар эмас. Бу 2019 йил билан таққослаганда 2020 йил давомида мазкур сўровлар трагифининг сезиларли даражада ўсиши ҳисобланади», — дейилади хабарда.
Шундай қилиб, глобал сўров натижлари қуйидагича:
- йил фильми — «Паразитлар»;
- сериал — «Шерлар қироли»;
- актёр — Том Хэнкс;
- ўйин — Among Us;
- йил шахси — Жо Байден;
- йил йўқотиши — Коби Брайант;
- йил қўшиғи — Карди Би ва Megan Thee Stallion’нинг WAP қўшиғи.
Россияда
Google Russia корпорацияси 2020 йилнинг энг машҳур воқеа ва ҳодисаларини ёдга олган: Австралиядаги ёнғинлар, коронавирус, изоляция, Беларусь ва Хабаровскдаги норозилик намойишлари, Норильскдаги авария ва Камчаткадаги фалокат, Тоғли Қорабоғдаги уруш, Байрутдаги портлаш.Шунингдек, 2020 йилда вафот этганлар ҳам алоҳида ёдга олинган — Шон Коннери, Андрей Павленко, Борис Клюев, Армен Жигарханян, Диэго Марадона, Ирина Антонова, Кобе ва Жанна Брайант ҳамда Михал Жванецкий.
2020 йилга бағишланган ролик саунтрекини Therr Maitz гуруҳи солисти Антон Беляев ёзган. У видео учун махсус «Ўзгариш шамоли» қўшиғининг каверини куйлаган.
Изоҳ (0)