Коронавирус инфекциясининг тарқалиш хавфини камайтириш учун Қозоғистоннинг Олмаота шаҳри шифокорлари COVID-19 юқтирганларнинг ҳаммасини, шу жумладан симптомларсиз ва енгил шаклдаги касалликка чалинганларни касалхонага ётқизади. Бу ҳақда шаҳар бош санитария шифокори Жандарбек Бекшин маълум қилди, деб хабар бермоқда «Интерфакс».
«Коронавирус инфекциясига чалинган беморларнинг 35—36 фоизи қайд этиладиган уй шароитида инфекция тарқалишини камайтириш мақсадида Олмаота соғлиқни сақлаш бошқармаси касалхоналарни аниқлайди ва қўриқланадиган шифохоналарда зудлик билан COVID-19’га чалинган касалларни яккалаш ва даволашни бошлайди», — деди Бекшин.
Унга кўра, белгиларсиз ва енгил беморлар учун уй карантини ўз самарасини кўрсатмагсн ва ҳатто касалланишнинг асосий манбаларидан бирига айланган.
«Биз касалликни таҳлил қилиб, касалланиш ҳолатларининг 36 фоиз сабаби уй шароитида юз беради, деган хулосага келдик. Уйда болалар бор. Биз қанча уринмайлик, барибир касалланиш юз беради. Шундай қилиб, белгиларсиз ва енгил шаклда касалланишнинг 36 фоизи бугунги кунда уй шароитида учрамоқда», — деди Бекшин.
Шу билан бирга, Бекшин ҳозирда Олмаотада касалланиш даражаси у қадар юқори эмаслигини, одамлар оила аъзоларига вирус юқтирмаслиги учун уларни ажратиб қўйиш мумкинлигини таъкидлаган.
Ўтган бир кун ичида Қозоғистонда коронавирус инфекцияси билан касалланиш бўйича 729 та янги ҳолат рўйхатга олинган. Пандемия бошланганидан буён Қозоғистонда COVID-19 билан касалланиш бўйича 138 382 та ҳолат аниқланган.
Изоҳ (0)