Fotogalereya: Avstraliyada davom etayotgan o‘rmon yong‘inlari dahshatlari
Avstraliya hududining deyarli barcha qismi olov bilan qoplangan. Yong‘inlar oqibatida o‘nlab odamlar va yarim milliard hayvonlar halok bo‘lgan, ular yashaydigan hududning 80 foiz qismi yo‘q bo‘ldi. Ushbu falokat mamlakat ekotizimiga hamda jahondagi tabiat muhitiga salbiy ta’sir ko‘rsatadi, biroq ushbu fojialardan qanday xulosa chiqarish lozimligi noma’lumligicha qolmoqda.
Shu sababli e’tiboringizni qit’ada sodir bo‘layotgan voqealarga qaratib, bu yerdagi hayvonot dunyosi va odamlarga befarq bo‘lmaslikka chaqiramiz.
Olov bilan kurashayotgan o‘t o‘chiruvchilarning bir ish kuni shunday yakunlanadi.
Erkak va uning iti plyajda o‘tirib, o‘z olamining qanday yonayotganini kuzatmoqda…
Ko‘ngillilar (volontyorlar) hayotini xavf ostiga qo‘yib o‘rmon yong‘inlarida jizg‘anak bo‘layotgan jonivorlarni qutqarmoqda. Suratdagi yigit olov ichidan 7 nafar koalani olib chiqqan.
Erkak kun davomida olov bilan kurashdi, u atigi 15 daqiqa mizg‘ib oldi.
Olovdan chiqqan tutun, asta-sekinlik bilan Avstraliya osmonini qoplamoqda.
Fotoshopga o‘xshaydi, lekin bu real surat! Olovlar borgan sari sohilga yaqinlashmoqda.
Avstraliya tepaliklari lava qaynab chiqayotgan vulqonlarga o‘xshab qolgan. Aslida esa tepaliklarni qoplagan o‘simliklar yonmoqda.
Ayol yonayotgan o‘rmonga kirgan koalani qutqarishga kirishdi. Hayvonlarga yordam beradigan bu kabi ekologiya posbonlari ko‘payaversin!
Yashil qit’aning sun’iy yo‘ldosh olgan tasvirlardagi ko‘rinishi.
Odamlar plyajda to‘plangan, bu materikdagi eng xavfsiz joy. Qochoqlardan biri o‘zi bilan otini ham olgan.
Bu kenguru odamlardan yordam so‘ramoqda. Uni tetiklashtirish uchun ustiga suv sepishdi.
Sharhsiz surat…
Avstraliyaliklar va o‘t o‘chiruvchilar uchun eng katta quvonch kuchli yomg‘irlar yog‘ishni boshlagani bo‘ldi!
Melburn shahrining ayni kunlardagi ko‘rinishi. Shahardagi havo juda rasvo darajada.
Kimdir Avstraliyani samolyotdan turib suratga olibdi. Bu oxir-zamon haqidagi fantastik, dahshatli sujetga ega filmlar kadrlarini eslatib yubormoqda…
Qachonlardir o‘rmonlarga eltgan, yashil yo‘llarning ayni damdagi ko‘rinishi.
