Алп тоғларидаги уй, қимматбаҳо машиналар ва Роналду билан дўстлик. «Ювентус» юлдузи Пауло Дибала қандай ҳаёт кечиради?

Туриннинг «Ювентус» клуби ҳужумкор ярим ҳимоячиси Пауло Дибала ўзининг ёрқин ёрқин ўйинлари билан аллақачон футбол ихлосмандларининг қалбидан жой олиб улгурган. Табиийки, кўпчиликни унинг яшил майдондаги ҳаракатларидан ташқари, қандай ҳаёт кечириши ҳам қизиқтиради. Қуйида айнан Пауло Дибаланинг қандай ҳаёт кечириши ҳақида ҳикоя қиламиз.

Дибала қаерда яшайди?

Дибаланинг уйи ҳам ўзи каби замонавий ва ноодатий услубга эга. Иморатдан шундоққина Алп тоғлари манзарасини томоша қилиш мумкин.

Аксарият футболчиларда бўлгани каби аргентиналикнинг уйида кўплаб хоналар ва сузиш ҳавзалари мавжуд. Шунингдек, уйда алоҳида бильярд хонаси ҳам бор.

Уйнинг қиймати қанчалиги ҳақида аниқ маълумот йўқ, бироқ унинг қимматбаҳо эканлигига ҳеч қандай шубҳа бўлиши мумкин эмас.

Дибала қандай машиналарда юради?

Машиналар борасида ҳам Паулони камтар деб бўлмайди — унинг гаражидан нақ 4 та ҳашаматли автоулов ўрин олган. Булар: Jeep Grand Cherokee 4x4 (90 минг доллар), Ferrari F12 Berlinetta (500 минг доллар), Range Rover (200 минг доллар) ва Audi А1 (35 минг доллар).

Дибаланинг дўстлари ким?

Дибала бўш вақтларини, асосан оиласи ва яқинлари орасида ўтказади. Шунга қарамай Криштиану Роналду Турин клубига ўтгач, улар ўзаро дўстлашиб қолган.

Табиийки, бу майдонда ҳам бу ўз исботини топмасдан қолмади: футболчилар бир-бирини жуда яхши тушунади ва голларни ҳам биргаликда нишонлайди.

Дибала футболдан ташқари яна нималарга қизиқади?

Юқорида таъкидланганидек, Дибала кўп вақтини оиласига ажратади. Шунга қарамай, у севимли машғулотларига ҳам вақт топади. Пауло машғулот ва ўйинлардан бўш вақтларида стол тенниси, бильярд, Lego ва шахмат ўйнашни хуш кўради. Унинг айтишича, шахмат ва футболнинг ўзига хос ўхшаш томонлари бор.

Шунингдек, Дибала уйсизларга ҳам мунтазам равишда ёрдам кўрсатиб келади. У Италияда оммалашган меҳр-саховат акцияларининг фаол иштирокчиси ҳисобланади.