Сотқинларми ёки унутилганлар? Маҳаллийлаштирилган юлдуз футболчилар ҳақида

Спорт, хусусан, футбол оламига қадам инсон борки, ватани терма жамоаси шарафини ҳимоя қилсам дейди. Бироқ шундай футболчилар ҳам борки, улар бир мамлакатда туғилиб, умуман бошқа юрт терма жамоасида ўйнашни афзал билади. Бугун айнан мана шундай футболчилар ҳақида фикр юритамиз.

Пепе

Замонавий футболнинг энг агрессив ҳимоячиларидан бири Пепе Бразилия терма жамоаси шарафини ҳимоя қилиши мумкин эди. Бироқ у 18 ёшида она юртидан бош олиб, Португалия томон йўл олади. У ерда ўтказилган 5 йиллик ҳаётдан сўнг Пепе ҳеч иккиланмай Португалия терма жамоаси шарафини ҳимоя қилишга қарор қилади. У бугунги кунгача жамоанинг асосий футболчиларидан бири ҳисобланади ва қатор ютуқларга ҳам эришган.

Жердан Шакири

Жердан асл ватани Косовода (жануби-шарқий Европада жойлашган давлат) уруш бўлаётган вақтда дунёга келган. Ўша даврда Шакирининг оиласи Швейцарияга кўчиб ўтади. Айтишларича, ҳеч бир албан ва косоволик ушбу воқеаларни эслашни хоҳламайди. Эҳтимол, шунинг учун ҳам Жердан Шакири Швейцарияни танлагандир. Нима бўлган тақдирда ҳам бугунги кунда Швейцарияни «Ливерпуль» ярим ҳимоячисиз тасаввур қилиш мушкул.

Тиаго Алькантара

Тиаго — турли маданиятларга яқин инсон ҳисобланади. Унинг отаси таниқли футболчи (Мазиньо) бўлганлиги учун оила доимий равишда бир жойдан иккинчисига кўчиб юрарди. Италияда туғилган Тиаго деярли бутун дунёни кезиб чиққан. У футбол билан шуғулланишни Рио-де-Жанейрода, «Фламенго»академиясида бошлайди. Кейин эса оила Испанияга кўчиб ўтади ва 2005 йилдан 14 ёшли Алькантара «Барселона» академиясига қабул қилинади.

Миллий терма жамоа даражасида Тиаго Италия ёки Бразилия шарафини ҳам ҳимоя қилиши мумкин эди, аммо у отасининг ғазабига қарамай, Испанияни танлайди. Унинг ўзи ушбу танловини қуйидагича изоҳлайди: «Мен Испанияда катта бўлганман. Яна нима ҳам дейиш мумкин?»

Оғир характерга эга бўлган асли бразилиялик Испания терма жамоаси ҳужумчиси Коста учун ўз вақтида том маънода кураш кечган. Гап шундаки, Диего ҳам Пепе сингари Бразилияда дунёга келганига қарамай, футболчи сифатида бошқа юртда (Испанияда) муваффақиятга эришади. Бу борада Костанинг ўзи ҳам шундай фикрда:

«Мен Бразилияда туғилганман, лекин Испания менга бор нарсаларимнинг барчасини берган».

Мирослав Клозе

Польшалик муҳожирлар оиласида дунёга келган Клозе ота-отасининг спортчи бўлишига қарамай, болалигида қурувчиликка йўналтирилади. Бироқ унинг футболга бўлган муҳаббати шу қадар кучли бўладики, бир кун келиб, унга икки мамлакат терма жамоасидан бирини танлаш имконияти берилади. Мирослав эса немислар таклифини қабул қилди ва дебют учрашувидаёқ ҳет-трик қайд этади. Шундан кейин Клозе номи терма жамоа билан биргаликда ўсиб бораверди ва ҳатто Мундиал ғолибига ҳам айланди.

Ракитич Швейцарияда туғилади ва шу ерда футбол ўйнашни бошлайди. Ҳаттоки мамлакат ёшлар терма жамоасида ҳам бир нечта учрашувларда майдонга тушади. Ҳамма нарса Ракитичнинг Швейцарияни халқаро миқёсда ҳимоя қилишига қараб кетаётганди, аммо терма жамоа мураббийлари уни асосий жамоага таклиф этишни пайсалга солди. Улар буни англаб етганида эса аллақачон кеч бўлганди, боиси бу пайтга келиб, хорватлар Иванни ўз сафида тўп суришга кўндириб бўлганди. Якунда Ракитич айнан Хорватия билан биргаликда мундиал кумуш медалларига эга чиқди ва мамлакат футболи тарихига ўз номини ёздириб қўйди.