Туркия президенти Ражаб Тоййиб Эрдўғон «Истанбул Башакшеҳир» ва ПСЖ ўртасидаги ўйинда юз берган ҳолатга муносабат билдирди.
«Истанбул» мураббийлар штаби вакили Пьер Вебога нисбатан ишлатилган ирқчилик руҳидаги сўзларни кескин қоралайман. УЕФА зарур чоралар қўллаши керак деган фикрдаман.Эслатиб ўтамиз, учрашувнинг 14-дақиқасида Пьер Вебо тўртинчи ҳакамни ирқчилик руҳидаги сўзларни айтганликда айблаб, тортишувни бошлади. Натижада турк клуби ва унинг ортида парижликлар майдонни тарк этди.Биз спорт ва ҳаётнинг бошқа соҳаларидаги ирқчилик ҳамда камситишларга мутлақо қаршимиз. Ирқчиликка йўқ деймиз.
Ражаб Тоййиб Эрдўғон, Туркия президенти
УЕФА қарорига кўра учрашув 9 декабрь куни Тошкент вақти билан 22:55 дан бошлаб давом эттирилади ва унда бошқа ҳакамлар гуруҳи ишлайди.
Маълумот учун, Эрдўғон «Истанбул Башакшеҳир» клуби мухлиси ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)