Қўй қовурғасидан тайёрланадиган 2 хил мазали таом рецепти

Мазкур тансиқ таомлар байрам дастурхони ва алоҳида кунлар учун айни муддао.

Керакли маҳсулотлар:

• қўй қовурғаси — 500 гр;
• кўкатлар, кинза ва петрушка;
• саримсоқ пиёз;
• анор шарбати — 50 мл;
• туз ва мурч.

Тайёрланиш жараёни:

• Ишни гўштни маринадлашдан бошланг.
• Саримсоқни тозаланг, кўкатларни майдаланг.
• Анор шарбатига туз ва мурч қўшинг.
• Қовурғаларни иккига бўлинг ва аралашмага ботиринг.
• Маринадланган гўштни 2—3 соатга музлаткичга қўйинг.
• Печ ичида 180 даража ҳароратда пишириб олинг.

Қўй гўшти қовурғасини димлаб пиширамиз

Керакли маҳсулотлар:

• қўй гўшти қовурғаси — 500 гр;
• ловия — 200 гр;
• яшил ясмиқ — 200 гр;
• пиёз — 2 дона;
• сариёғ — 70 гр;
• кўкатлар;
• туз ва мурч.

Тайёрланиш жараёни:

•  Ловияни 4—5 соатга илиқ сувда ивитиб олинг.
•  Қовурғаларни бўлакларга бўлиб олинг.
•  Пиёзни майда қилиб тўғранг.
•  Сариёғ солинган товада 3—4 дақиқа давомида пиёз қовуриб олинг.
•  Қовурғани товага солинг, устини қоплагунича сув солинг, туз сепинг.
• 40 дақиқа давомида паст оловда димлаб пиширинг.
•  Товага ясмиқ, ловия ва кўкатларни солинг ва яна 20 дақиқа пиширинг.

Ёқимли иштаҳа!