Байрам дастурхони ҳар йилгидан ҳам кўра ўзгачароқ бўлиши барча бекажонларнинг асосий мақсадига айланиб қолган бўлса керак. Янги рецептлар эса улар учун жуда катта совға бўлиши шубҳасиз. Биргина қатламали хамирдан икки хил пирог тайёрлаб кўриб, байрам дастурхонини янада бойитиш мумкин.
Гўштли пирог
- 500-600 грамм гўшт майда бўлакланиб, 3 ош қошиқ ун билан аралаштирилади. Сўнгра товада қизитилган ёғ билан қизаргунча қовуриб олинади.
- Навбат тўғралган пиёз, сабзи ва қўзиқоринга. Улар ҳам товада юмшагунча пиширилади. Аралашма устидан гўшт товага солинади. Устидан кекик (тимьян) ва бир стакан сув солиб, димланади. Гўшт юмшагунча паст оловда пиширилади.
- Тайёрланган қатламали хамир қолипга жойлаштирилади, ичига «начинка» солинганидан сўнг хамирнинг иккинчи қисми устидан ёпилади. Хамир юзасига тухум сариғи сурилиб, 20 дақиқага печга қўйилади.
- 600 грамм олма пўстлоғи ва уруғидан тозаланиб, «кубик» шаклида тўғралади. Қолипга икки ош қошиқ ун сепилиб, олмалар жойлаштирилади. Печга 180 даражага, 20 дақиқа давомида олмалар қизаргунча қўйилади.
- 100 грамм шакар, 1 ош қошиқ лимон пўсти кукуни ва долчин аралаштирилади. Пиширилган олмалар ушбу аралашмага ботириб олинади ва ёғланган қолип ичига жойлаштирилади.
- Қатламали хамир ичига «начинка» солиниб, юзасига тухум сариғи сурилади ва 40 дақиқа давомида печда пиширилади.
Изоҳ (0)