Япониянинг Иокогама шаҳрида юра оладиган улкан роботни ўз ичига олган Gundam Factory Yokohama аттракционининг тақдимоти бўлиб ўтди, деб хабар беради DTF.
Лойиҳа машҳур Гандам аниме-франшизасига бағишланган. Аттракционнинг очилиши 19 декабрь куни бўлиб ўтади.
Гандам роботининг баландлиги 18 метрни, оғирлиги эса 25 тоннани ташкил этади. Робот учун махсус тўлиқ ўлчамли док-стапель қурилган.
Ушбу аттракцион шаҳарнинг барча аҳолиси учун 31 мартга қадар очиқ бўлади. Катталар учун чипталар 16 доллар, 7 ёшдан 12 ёшгача бўлган болалар учун — 10 доллардан.
Аввалроқ Японияда ёлғиз инсонлар учун робот-қўл яратилгани, шунингдек, Disney худди инсонникига ўхшаш кўзларга эга роботини намойиш этгани тўғрисида хабар берилганди.
Изоҳ (0)