Twitter компанияси хабарлар, сурат ва видеолар эълон қилинганидан 24 соат ўтиб ўчиб кетадиган янги Fleets («флитлар») функцияси ишга туширилганини эълон қилди.
Компания блогида ёзилишича, «флитлар» фойдаланувчиларга бир лаҳзалик фикрлар билан алмашиш ва бошқалар билан мулоқотда ўзини анча қулай ҳис қилиш имконини беради.
Яқин кунлар ичида «флитлар» Twitter’нинг барча фойдаланувчиларида пайдо бўлади.
Ўз-ўзидан ўчиб кетадиган хабарлар 2013 йилда Snapchat мобил ижтимоий тармоғи Stories функциясини жорий этганидан сўнг оммалашди. Snapchat Stories’да материаллар бир сутка давомида сақланади ва муаллифнинг янги постларидан иборат слайдшоуга ўхшаб кўринади. 2016 йилда Stories формати Instagram’да, кейинроқ Facebook ва YouTube’да ҳам пайдо бўлган.
Аввалроқ Instagram’да «ўз-ўзидан йўқолиб қоладиган» хабарлар функцияси пайдо бўлиши тўғрисида хабар берилганди.
Изоҳ (0)