Америкалик 16 ёшли Чарли Дамелио TikTok видеосервисида биринчи бўлиб 100 миллион обуначи тўплади, деб хабар беради The Verge.
Ўсмир қиз бу каби натижага 1,5 йил ичида эришган. Ижтимоий тармоққа у машҳур қўшиқлар остидаги турли рақсларидан иборат роликларини жойлаштириб келади.
Таъкидланишича, Чарли ушбу натижага олдинроқ эришиши мумкин бўлган, бироқ ноябрь ойида у оилавий кечки овқатига оид видеони жойлаштирган, бу эса кўплаб мухлисларига ёқмаган ва ярим миллиодан ортиқ обуначисидан айрилган.
Эслатиб ўтамиз, октябрь ойида ўзбекистонлик Раҳим Абрамов Россиянинг энг сердаромад тиктокери деб топилган эди. У бир йилда 10 миллион рубль ишлаб топган.
Изоҳ (0)