Тухум шаклида ниқоб пайдо бўлди. У коронавирус ва камералар кузатувидан ҳимоя қилади

Daft Punk мусиқий гуруҳи услубида яратилган тухум шаклидаги ниқоб тақдим этилди, деб хабар беради Hi-Tech.Mail.ru.

Black ниқоби нафақат юзни танувчи камералар кузатувидан ҳимоя қилади, балки коронавирус даврида ноодатий аксессуар ҳам ҳисобланади.

Ниқоб ичига HEPA фильтрлар тизими ўрнатилган, битта жамланма икки ҳафтага етади. Шу билан бирга, унинг ичида одам бемалол нафас олиши учун мослаштирилган, бироқ у ҳаво-томчи йўли орқали юқадиган коронавирус ва бошқа касалликлардан ҳимояланган.

Ниқоб корпуси пластикдан тайёрланган бўлиб, фойдаланувчи ўзи хоҳлаган дизайнни танлай олиши учун компания уни алмашадиган панеллар билан жиҳозлаган.

Тухум-ниқобни 79 доллар эвазига Kickstarter орқали буюртма қилиш мумкин. Ечиладиган иккита панел жамланмаси учун яна 20 доллар тўлаш керак бўлади.

Аввалроқ Сингапурда COVID-19 симптомларини кузатувчи ақлли ниқоб яратилгани тўғрисида хабар берилганди. Ундаги датчиклар тизими тана ҳарорати, қоннинг кислород билан тўйинганлиги, қон босими ва пулс каби параметрларни қайд этишга қодир.