Онлайн ўйинларни тўғридан-тўғри трансляция қилиш билан шуғулланадиган (стример) қиз 2020 йил давомида 550 минг доллар ишлаб топди, деб хабар беради «4PDA.ru».
Йил бошиданоқ 2020 йил «стримерчи»лар учун ҳақиқий муваффақият олиб келиши маълум эди. Ҳамма уйда ўтиради, экранларга термулиб, бекорчиликка вақт сарфлайди — бу каби одамларнинг кайфиятини кўтара олган инсон эса муваффақиятга эришади. Эълон қилинган маълумотларга кўра, Twitch видеостриминг сервиси 2020 йилда ҳақиқий олтин конига айланган.
Журналистлар Twitch орқали қолганлардан кўра энг кўп даромад тўплаган 10 нафар қизнинг рўйхатини тузди — Топ-10 рўйхатнинг охирида жойлашган Becca ники остидаги геймернинг даромади ҳам ҳайратланарли: у 43 985 доллар ишлаб топган. Pokimane ники остида геймер қиз эса 2020 йилда 550 минг доллар ишлаб топиб, рўйхатнинг энг юқори поғонасидан ўрин олган.
Маълум қилинишича, қизлар даромадининг 70 фоизи обунадан келади, 23 фоизи — реклама ва 8 фоизигина донатлардан. Шу билан бирга, қизлар эркак стримерлардан анча орқада: худди шу каби рўйхатнинг бошида жойлашган эркак-стимернинг 2020 йилдаги даромади қарийб 2 миллион долларни ташкил этган.
Эслатиб ўтамиз, октябрда ўзбекистонлик Раҳим Абрамов Россиянинг энг сердаромад тиктокери деб топилгани, у бир йилда 10 миллион рубль ишлаб топгани тўғрисида хабар берилганди.
Изоҳ (0)