Yaponiyaning Gifu shahri universiteti mutaxassislari yolg‘iz insonlar qadriga yetadigan robot-qo‘lni yaratdi. “Sevgan qizim sayrda” nomini olgan ixtirodan ayollar mehri yetishmayotgan odamlar foydalanishi mumkin, deb yozadi Futurism.
Uni taqqan odam qo‘lni qo‘yib yuborganida tushib ketmasligi uchun qurilma bilakka qotiriladi. Mexanik qo‘llar juda sezgir: robot-qo‘lga barmoqlar tegishi bilan u darhol bunga javob qaytarib, uni ushlaydi.
Olimlarning ta’kidlashicha, ular tomonidan yaratilgan qo‘l maksimal darajada inson kaftiga o‘xshash qilib yasalgan. Masalan, u uzoq vaqt ushlab turilsa, robot-qo‘lning terisi terlaydi — uning teshikchalari orqali biroz suyuqlik chiqadi.
Shuningdek, devays ayollar shampuni hidiga ega aromatizator va qadamlar tovushini beradigan kichik kolonka bilan jihozlangan.
Ixtirochilarning so‘zlariga ko‘ra, yolg‘iz insonlar robot-qo‘l yordamida toza havoda uzoqroq vaqt o‘tkazishi mumkin.
Shuningdek, ixtirochilar ayollar uchun odekolon yoki motor moyi hidiga ega qurilmaning erkaklar versiyasini taqdim etishni rejalashtirmoqda.
Eslatib o‘tamiz, 2014-yili Yaponiyada yolg‘iz odamlar uchun kreslo yaratilgan edi.Mavzuga doir: Yaponiyalik milliarder Oyga sayohat uchun hamroh topmoqchi bo‘lgan realiti-shouni bekor qildi. Erkak u yerga yolg‘iz uchadi
