Дунёда коронавирус билан касалланган беморлар сони 60 миллион кишидан ошди. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Университет маълумотларига кўра, бутун дунёда коронавирус билан касалланиш ҳолатларининг умумий сони 60 037 735 тани ташкил қилмоқда, 1 414 513 киши касаллик оқибатида вафот этган. Касалликка чалинган 38 миллиондан ортиқ бемор тузалган.
Маълумот учун, дунёда коронавирусга чалинганлар сони 5 октябрь куни 35 миллиондан, 11 октябрь куни 37 миллион, 14 октябрь куни 38 миллион, 19 октябрь куни 40 миллион, 22 октябрь куни 41 миллион, 5 ноябрь куни 48 миллион, 9 ноябрь куни 50 миллион, 14 ноябрь куни 53 миллион кишидан ошганди.
Изоҳ (0)