АҚШнинг электромобиллар ишлаб чиқарувчи Tesla компаниясининг капитализацияси 24 ноябрь куни 500 миллиард доллардан ошди. Бу ҳақда Reuters хабар қилган.
2020 йил бошидан бери Tesla акциялари нархи олти марта ва ундан ҳам кўп марта кўтарилган.
Tesla акцияларининг охирги ўсиши 21 декабрда компанияни Dow Jones индексига қўшиш ҳақидаги қарордан кейин кузатилган. Ушбу қарор эълон қилинганидан кейин Tesla қимматли қоғозларининг нархи 28 фоизга кўтарилган.
Tesla акцияларининг қиймати кўтарилиши натижасида компания раҳбари Илон Маскнинг бойлиги Bloomberg Billionaires Index (доимий равишда янгиланиб турувчи рўйхат) рейтинги бўйича 127,9 миллиард долларга етган. Илон Маск Tesla акцияларининг 21 фоизига эгалик қилади.
2020 йил бошида Маск Bloomberg Billionaires Index’нинг 35-ўрнида қайд этилган, энди эса Microsoft асосчиси Билл Гейтсдан ўзиб кетиб иккинчи поғонага кўтарилган, ундан олдинда рейтингни бошқараётган Amazon асосчиси Жефф Безос бормоқда.Аввал Маск Bloomberg’нинг реал вақт режимида янгиланиб турувчи миллиардерлар рейтингида учинчи ўринга чиққани, унинг бойлиги бир ҳафта ичида қарийб 14 миллиард долларга ўсгани хабар қилинганди.
Изоҳ (0)