Россияда 25 ноябрь тонггига кўра, коронавирусга чалиниш бўйича 23 675 та янги ҳолат қайд этилди, деб хабар бермоқда Meduza. Бу касалланишлар сони кунлик ўсиши бўйича рекорд деб топилган бир кун олдинги кўрсаткичдан 651 тага кам.
Янги аниқланган ҳолатларнинг энг кўпи Москва (суткасига 4685 та), Санкт-Петербург (+3421) ва Москва вилоятида (+1005) қайд этилган.
Пандемия бошланганидан бери мамлакатда 2 162 503 киши COVID-19’га чалинган.
Сўнгги суткада инфекциядан 507 киши вафот этган. Бу суткалик ўлим ҳолати бўйича пандемия бошланганидан буён рекорд кўрсаткич. Аввалги рекорд бир кун олдин қайд этилган, 491 киши вафот этганди. Мамлакатда умумий ҳисобда 37 538 киши COVID-19’дан вафот этган.
Бир суткада COVID-19 беморларининг 25 748 нафари, пандемия бошлангандан буён эса 1 660 419 нафари соғайган.
«Роспотребнадзор» маълумотларига кўра, мамлакатда сўнгги 24 соатда коронавирусни аниқлаш учун 452 мингта, пандемия бошланганидан буён эса 73,7 миллиондан ортиқ тест ўтказилган.
Изоҳ (0)