Rossiyada 25-noyabr tonggiga ko‘ra, koronavirusga chalinish bo‘yicha 23 675 ta yangi holat qayd etildi, deb xabar bermoqda Meduza. Bu kasallanishlar soni kunlik o‘sishi bo‘yicha rekord deb topilgan bir kun oldingi ko‘rsatkichdan 651 taga kam.
Yangi aniqlangan holatlarning eng ko‘pi Moskva (sutkasiga 4685 ta), Sankt-Peterburg (+3421) va Moskva viloyatida (+1005) qayd etilgan.
Pandemiya boshlanganidan beri mamlakatda 2 162 503 kishi COVID-19’ga chalingan.
So‘nggi sutkada infeksiyadan 507 kishi vafot etgan. Bu sutkalik o‘lim holati bo‘yicha pandemiya boshlanganidan buyon rekord ko‘rsatkich. Avvalgi rekord bir kun oldin qayd etilgan, 491 kishi vafot etgandi. Mamlakatda umumiy hisobda 37 538 kishi COVID-19’dan vafot etgan.
Bir sutkada COVID-19 bemorlarining 25 748 nafari, pandemiya boshlangandan buyon esa 1 660 419 nafari sog‘aygan.
“Rospotrebnadzor” ma’lumotlariga ko‘ra, mamlakatda so‘nggi 24 soatda koronavirusni aniqlash uchun 452 mingta, pandemiya boshlanganidan buyon esa 73,7 milliondan ortiq test o‘tkazilgan.
Izoh (0)