Rossiyada 23-noyabr tonggiga ko‘ra, koronavirusga chalinish bo‘yicha 24 326 ta yangi holat qayd etildi, deb xabar bermoqda Meduza. Bu kasallanishlar soni kunlik o‘sishi bo‘yicha rekord deb topilgan bir kun oldingi ko‘rsatkichdan 847 nafarga kam.

Foto: “TASS”

Yangi aniqlangan holatlarning eng ko‘pi Moskva (sutkasiga 5838 nafar), Sankt-Peterburg (+3179) va Moskva viloyatida (+970) qayd etilgan.

Virusga qarshi kurashish bo‘yicha federal shtab ma’lumotlariga ko‘ra, pandemiya boshlanganidan beri mamlakatda 2 138 828 kishi COVID-19’ga chalingan.

So‘nggi sutkada 491 kishi, pandemiya boshlanganidan buyon esa esa 37 031 kishi koronavirusdan vafot etgan. Sutkalik o‘lim holati bo‘yicha so‘nggi yuqori ko‘rsatkich 19-noyabr kuni qayd etilgan, shu kuni 463 kishi COVID-19 qurboniga aylangandi.

Sog‘ayganlar soni 1 634 671 nafarni tashkil etmoqda, shu jumladan, COVID-19 bemorlarining 23 226 nafari so‘nggi bir kecha-kunduzda tuzalib chiqqan.

“Rospotrebnadzor” ma’lumotlariga ko‘ra, mamlakatda koronavirusni aniqlash uchun so‘nggi 24 soatda 362 mingta, pandemiya boshlanganidan buyon esa 73,3 milliondan ortiq test o‘tkazilgan.