Украина президенти Владимир Зеленский коронавирусдан тузалганини маълум қилди, деб хабар бермоқда «Интерфакс».
«Ниҳоят коронавирусга топширган тестим натижаси салбий чиқди», — деб ёзган у 23 ноябрь куни ўзининг Telegram каналида.
У одам касалланиш хавфини англаб етиб имкон қадар ўзини ҳимоя қилиши лозимлиги, ниқоб тақиш, масофа сақлаш, ўзини яккалаш, витаминга бой, тўлақонли овқатланиш, спорт режими — буларнинг ҳаммаси биргаликда муҳим аҳамиятга эгалиги ва одамга умид беришини билдирган.
Эслатиб ўтамиз, 9 ноябрь куни Украина президенти девони Владимир Зеленскийда коронавирус аниқланганини маълум қилганди. Шу куни президент девони раҳбари Андрей Ермак ҳам коронавирусга чалингани маълум бўлди. 12 ноябрь куни уларнинг иккови ҳам Феофания касалхонасига ётқизилгани маълум бўлди.
Кейинроқ Владимир Зеленский украиналикларга янгиликларни ўзи етказиб туришини айтди. 19 ноябрь куни Украина президентининг коронавирусга яна бир марта топширган тести ижобий натижа берди, шу билан бирга, ўзини яхшироқ ҳис қилишни бошлагани, ҳид сезиши қайтганини билдирди.
Эслатиб ўтамиз, 12 июнда Зеленскийнинг рафиқаси Елена Зеленскаяда ҳам коронавирус аниқланди. 16 июнда Украина биринчи хоними икки томонлама полисегмент пневмония ташхиси билан касалхонага ётқизилган, Владимир Зеленскийнинг ўзи эса махсус иш режимига ўтганди. 4 июнь куни Елена Зеленская COVID-19 коронавирус инфекциясидан тузалди ва касалхонадан чиқди.
Изоҳ (0)