Европа касалликлар профилактикаси ва назорати маркази (ECDC) сўнгги 14 кун ичида Евроиттифоқдаги касалланиш ҳолатлари бўйича ҳисобот эълон қилди, деб ёзади «Коммерсантъ». Чехия, Бельгия ва Болгария ҳар 100 минг кишига ўлим ҳолати бўйича етакчига айланди.
«Чехия сўнгги ҳафталар ичида Евроиттифоқ мамлакатлари орасида COVID-19’га чалинганлар сони бўйича биринчиликдан тушди. Бироқ республика, ECDC маълумотларига қараганда, ҳар 100 минг кишига коронавирусдан ўлим ҳолатининг ҳиссаси бўйича сўнгги 14 кун якунларига кўра, Евроиттифоқда етакчи бўлиб қолмоқда», — дейилади Чехия ССВ хабарида.
Ҳар 100 минг аҳолига ўлим ҳолатлари сони бўйича сўнгги 14 кунда етакчи бўлган Евроиттифоқ мамлакатлари қуйидагилар:
- Чехия — 23,4;
- Бельгия — 22,1;
- Болгария — 17,2;
- Польша — 14,3;
- Словения — 14.
Аввалроқ мамлакатлар инфекцияга қарши кураш учун зарур инфратузилмани яратмаса, Европада коронавирус тарқалишининг учинчи тўлқини кўтарилиши мумкинлиги ҳақида Жаҳон соғлиқни сақлаш ташкилотининг COVID-19 бўйича махсус элчиси Дэвид Набарро айтиб ўтган эди.
ЖССТ маълумотларига кўра, Европада касалланиш ҳолатлари бошқа минтақаларга нисбатан кўпроқ қайд этилмоқда. Чунончи, ўтган ҳафта коронавирусга чалиниш ҳолатларининг 46 фоизи ва ўлим ҳолатларининг 49 фоизи Европа мамлакатлари ҳиссасига тўғри келган. Шу билан бирга, минтақада касалланиш даражаси бир ҳафта ичида 10 фоизга пасайди, бунга карантин чоралари сабаб бўлди.
Эслатиб ўтамиз, Сеул, Инчхон ва Кёнгидо шаҳарлари жойлашган Сеулнинг пойтахт минтақасида коронавирус инфекциясининг учинчи тўлқини бошлангани хабар берилди. Мамлакатда бир неча кундан буён бир кеча-кундузда 300 дан ортиқ касалланиш ҳолатлари қайд этилмоқда. Шу муносабат билан, Сеулда COVID-19’га қарши чоралар кучайтирилади.
Изоҳ (0)