Bugun,

  • USD 10940.05
  • RUB 182.26
  • EUR 11121.65

Ukraina prezidenti Vladimir Zelenskiy yana bir marta koronavirusga topshirgan testi ijobiy natija berdi, deb yozadi “RBK” davlat rahbarining Facebook’dagi videomurojaatiga tayanib.

Foto: “TASS”

Foto: “TASS”

“Men qayta topshirgan test, afsuski, hozircha ijobiy chiqdi, biroq men har kuni ishlashda davom etyapman… O‘zimni tobora yaxshiroq his qilyapman, bugundan hid seza boshladim, kuchim qaytyapti”, — dedi Ukraina prezidenti. U, shuningdek, vatandoshlariga uni qo‘llab-quvvatlagani uchun minnatdorlik bildirdi va kundan kunga ahvoli yaxshilanayotganini aytdi.

“Bugundan hid sezyapman. Kuchga kiryapman, haroratim pasaymoqda va jonli ishga qaytish istagi kuchaymoqda”, — dedi prezident. U tez orada to‘liq formatda ishga qaytishiga umid bildirdi.

“Keyingi videoni kasalxonada olmayman deb ishonaman, sizning ko‘magingizda ko‘p yillardan buyon Ukrainaga zarar keltirayotgan boshqa virus va bakteriyalarni ham yengish uchun COVID ustidan to‘liq g‘alaba qozonaman deb umid qilaman. Aytgancha, bu kasalliklarning familiyalari sizga yaxshi tanish, biz bu dardlardan Ukrainani, albatta, qutqaramiz”, — deya qo‘shimcha qildi prezident.

Eslatib o‘tamiz, 9-noyabr kuni Ukraina prezidenti devoni Vladimir Zelenskiyda koronavirus aniqlanganini ma’lum qildi. Shu kuni prezident devoni rahbari Andrey Yermak ham koronavirusga chalingani ma’lum bo‘ldi. Zelenskiy Twitter’da o‘zini yaxshi his qilayotgani, ishlashda davom etayotgani va kasallikni yengib o‘tishiga ishonchi komil ekanini ta’kidladi.

Keyinroq Ukraina prezidenti Vladimir Zelenskiy ukrainaliklarga yangiliklarni o‘zi yetkazib turishini aytdi.

Ukraina SSVning so‘nggi ma’lumotlariga ko‘ra, mamlakatda COVID-19’ga chalinish bilan bog‘liq 570 153 ta holat aniqlangan. Bir kecha-kunduzda mamlakatda 12 496 kishi koronavirusga chalingan. Jami 10 112 kishi vafot etgan.

Izoh
Asosiy yangiliklar
Mahalliy
“Ularni kim deb atash mumkin?” Sardor Umrzoqov maishatboz rahbarlarni tanqid qildi
Mahalliy
G‘aniyev va Voitov klasterlarga past narxda paxta sotishni xohlamagan fermerlarga bosim o‘tkazilayotganini o‘rganadi
Mahalliy
“Ba’zi hokimlar, vazirlik rahbarlari o‘zlarini go‘yo xonlardek tutib, to‘rachilik kayfiyatiga berilib ketgan” — Sardor Umrzoqov