Бруклиндаги музлаткич-моргларда АҚШда коронавируснинг биринчи тўлқини вақтида ҳалок бўлган 650 нафарга яқин одамнинг жасадлари баҳордан бери сақланмоқда. Бу ҳақда Нью-Йорк бош суд-тиббиёт экспертига таяниб, The Wall Street Journal хабар берди.
Коронавирус қурбонларининг жасади уларнинг қариндошлари топилмагани ёки улар дафн маросими пулларини тўлай олмагани сабаб кўчма моргларда қолмоқда. Бош суд-тиббиёт эксперти офисининг маълум қилишича, вафот этган 230 кишининг қариндошларини топишни имкони бўлмаган. Уларга оид маълумотлар эскирган ёки нотўғри бўлиши мумкин. Айрим ҳолатларда эса қариндошлар молиявий сабабларга кўра, марҳумларнинг жасадини олиб келмаган.
Жонс Ҳопкинс университети маълумотларига кўра, АҚШда коронавирусга чалинганларнинг умумий сони 12,2 миллиондан ошган бўлиб, уларнинг 256 мингдан ортиғи вирус қурбонига айланган.
Эслатиб ўтамиз, апрель ойида Нью-Йоркнинг Бруклин туманидаги дафн бюроси яқинида ичида ўнлаб чириётган жасад бўлган юк машинаси топилган эди.
Изоҳ (0)