Америкада бўлиб ўтган сайлов натижалари нафақат Жо Байден, балки Камала Харрис учун ҳам омадли бўлди. Вице-президент курсисига эга бўлганидан кейин сиёсатчилар унинг сиёсий қарашларини таҳлил қилишга киришиб кетган бўлса, мода танқидчи ва ихлосмандлари қизиқиши доирасида унинг образ ва кийиниш услубига эътибор қарата бошлади.
Нафақат илк аёл, балки келиб чиқиши осиёлик бўлган қора танли Камала номзоди деярли барча Голливуд юлдузлари томонидан қўллаб-қувватланганди.
Харрис омма олдида ўзини сипо тутади, ўзига нисбатан алоҳида эътибор жалб қилишларини ёқтирмайди ва шундан келиб чиққан ҳолда либос танлайди. У кўпроқ танлов борасида қоматни акс эттирадиган, шу билан бирга, жиддий қилиб кўрсатадиган костюм-шим кийишни афзал билади.
Баъзи вақтларда тадбирлар учун кўйлак кийиши ҳам мумкин. Кийган либослари оддий бичимли ортиқча безакларсиз бўлишига эътибор қаратади.
56 яшар сиёсатчининг стилистлари унга калта либос ярашмайди, деб ҳисоблайди, шунинг учун ҳам Камала омма олдида тиззадан пастда турадиган узунликдаги кўйлакларда намоён бўлади.
Харриснинг гардеробидаги энг севимли кийим-кечаклардан яна бири жинси ҳисобланади. У фуқаролар билан кўришишга ва муҳим музокараларга ҳам қулай жинси шим кийиб ташриф буюриши мумкин.
Умуман олганда, casual услуби ушбу жиддий кўринишни истайдиган хонимга жуда ҳам ярашади.
Ранг борасида ҳам Камала эксперимент қилишни хуш кўрмайди. Кул ранг, жигарранг ва оқ Харриснинг севимли ранглари ҳисобланади.
Айниқса, қора унинг энг яхши кўрган ранги саналади ва ушбу рангдаги либослар унинг образларини ўзи истаганидек сипо, шу билан бирга, башанг кўринишига сабаб бўлади.
Камаланинг онаси АҚШга кўчиб келган ҳинд иммигрантларидан бўлган. Ота-онаси болалигида ажрашиб кетган. У юриспруденсия йўналишида ўқиб, ҳуқуқ бўйича докторлик диссертациясини ҳимоя қилган. 2010 йилда Калифорния штатининг бош прокурори лавозимини эгаллаб, 2016 йилда мазкур штат сенатори бўлишга муваффақ бўлган. Харрис 2014 йил 22 августда адвокат Дуглас Эмхоффга турмушга чиққан, ўзининг фарзанди йўқлигига қарамай турмуш ўртоғининг биринчи турмушидаги болалари билан яхши алоқада.
Сайловлардан аввал Камала Харрис нима учун Трампнинг шахсий душмани экани ва нега ҳамма у тўғрисида гапираётгани ҳақида мақола эълон қилинганди.
Мавзуга доир:
Изоҳ (0)